Sauran Duniya

Wani Hari Da Isra'ila Ta Kai Syria Ya Hallaka Mutum 15

Syria-Israel

Dubi ra’ayoyi

Kamfanin Dillancin Labaran kasar Syria SANA ya ruwaito cewa, ya jiyo daga majiyar sojan kasar cewa mutaum 15 sun mutu yayin da 16 suka jikkata, sakamakon harin da Isra'ila ta kai kan wasu gine-ginen gidaje da ke wajen birnin Damascus na kasar Syria a ranar Alhamis
WASHINGTON, D. C. — 

Kamfanin dillancin labaran SANA ya bayyana cewa, gine-ginen na cikin yankunan Mazzeh da Qudsaya, da ke yammacin babban birnin kasar.

Syria-Israel

Gidan rediyon sojojin Isra'ila ya ce wuraren da aka kai harin a Damascus, hedkwatar kungiyar 'yan gwagwarmayar Falasdinawa ta Islamic Jihad ne da kuma abin da ta bayyana a matsayin wasu kadarori, ba tare da yin karin haske akai ba.

Israel-Hamas-Gaza-Faladina-Gabas ta Tsakita

Isra'ila dai ta shafe shekaru tana kai hare-hare kan wuraren da ke da alaka da Iran a Syria amma ta kara kai hare-hare tun a ranar 7 ga watan Oktoban bara bayan da kungiyar Hamas ta Falasdinu ta kai hari yankin Isra'ila wanda ya haifar da yakin Gaza.

Syria-Israel

An san kwamandojin kungiyar Hezbullah ta kasar Lebanon da dakarun Revolutionary Guards na Iran da ke Syria suna zama a Mazzeh ne, a cewar mazauna yankin da suka tsere bayan hare-haren baya-bayan nan da suka yi sanadiyar mutuwar wasu daga cikin manyan kungiyoyin.

-Reuters